Departmental



MISSION KHATNI EVANGELISM DEPARTMENT

Mission khatni Evangelism taanv khang kage naimei hei rui Rongmei Naga Baptist Association (RNBA) khang katumloumei khat the khatni mi hei dailiangmei taanv the. Kumna mi kou tei rui kaiphwn bamv swlana aniu tuang Association hei 1986 kwm rui lingthaulou kan tuang the.

Association hei kwm 1986 rui kasiamhloumei le tuna, Missionary khat khatni Evangelist khat hei kapahlouna Evangelism taanv hei kahouh kan tuang e. Association tuang Annual Assembly   resolution 1991 kwm lalou kanmei thei layna, aniu tuang Mission khatni Evangelism Department hei baicna 1995 kwm rui naithau kan e. 1986 khou rui thauna kwm 1994 nganv hei Mission khatni Evangelism taanv hei Association tuang Executive Secretary rui phung guang khwan e. Asei nganvmei lungc khou Evangelism taanv hei tatchuina tatkeyna missionaries khatni evangelists 120 hei mission fields India khtni abroad thaeng taanctat bam e.


Mission khatni Evangelism Department tuang kadai swmei taanvmung nunc:

1.Mission fund hei tinai khang karamna khatni mission khatni evangelism taanv tihei makuat khang.

2.Plan sw khang khatni mission khatni evangelism taanv hei mission laupuk geina laancpatlou lana phwamling kathanc nunc laanpatlou khang.

3.Mission fields nunc, fellowship khatni phwamling kathanc laanpatloumei khou khou hei wholistic development hei tinailou khang karammei.

   4. Association tuang taanv swna mission tuang taanv khou mari naimei taanv guay hei kage naimei bam guay khou taanc pat khang.


RNBA Mission and Evangelism Department  has the following Mission Fields where 89 church sponsored and more than 20 individuals sponsors missionaries and evangelists are working.


1) Home/ within the State Mission Fields

i) Manipur nzaengdi khou/Jiribam Areas    

   ii) Manipur Chyngram khou                            


2) State paeng thaeng tuang Mission Fields

     i) Orissa                   

     ii) West Bengal      

     iii) Assam            


3) Foreign Mission Fields

    i) Myanmar        

    ii) China                   

    iii) New Guinea 


Kwm 1986 khou rui ntau nganvmei lung khou 1,570 hei Christian swna fields khou rui pat the.  


RNBA Mission khatni Evangelism Department  kabangc khou naimei Mission Projects khatni Centres khou taanv swbam e:

1. Ruangdai Citrus Farm, at Ruangdai village.

2. Longmai 2: Fishery pond khatni Banana Farms

3. RNBA Mission House, Jiribam.

4. Delhi Rongmei Christian Fellowship, Delhi.

5. Bangalore Rongmei Christian Fellowship, Bangalore

6. Hyderabad Rongmei Christian Fellowship, Hyderabad


RNBA Mission khatni Evangelism Department  guangnimei ganv khou taancpat nimei Plans khatni Projects:

1. India lungc khou khatni kandih du thaengc mission centres, stations hei partners’ organizations nunc lev networking swlana taancpat khang.

2. Churches ta gaycham dinhmei khou taanv ranvna sw khang katiuthaulou khang tumei the.

3. Mission and Evangelism rui wholistic development khang ranvna taanv swlana Rongmei zaat hei kwm 2015 khou Rongmei zaat tuang Pass Over sw khang tumei hei tamhmei the.

4. Mission Conference, Seminar, Consultations laeng khang.

5. Mission Department ta titanclou khang khatni Misssion taanv hei daicna taancpat khang Rav kalummei phwam azuh lingcthau lou khang.

6. Mission Secretary khang Mission Quarter kasiamh khang.

7. Missionary khat khat na sihni Mission Field kandih duh thaeng ndiulou khang.

8. Mission project khang rui syandui chaeng kasiamhmei.

 



Men Department

Men Department hei RNBA tuang pu nunc tuang phwam swna Secretary akhat naina tatkey bammei phwam the. Mi phwam naimei hei RNBA lung khou naimei pu nunc / n-gaanvmei nunc ti hei bumaengh lawn khou khatni daithau saengthaumei lwan khou kasiamh thau khang linglou tuang the.

1. Bible class, camp khatni Seminar laengvmei.

2. Social development khatni environment awareness program laengvmei.

3. Charuangc lwan khou khatni syandui / lunggay chingkhu lwan khou kalaic mei nai khang taanvswmei.

4. Kandih khou ryanra ryanriumei patmei azuh ta nkhav n-gavmei taanv taanh khang.


Men Department rui ninga tamhmei:

1. Bumaengh lwan khou Baptistmei pu nunc ta kasiamh thauc khang.

2. Baptist Youth Fellowship khatni Women society ta nkhav n-gav khang.

3. Baptistmei pu nunc ta chaengzay pouc gaygaymei kasiamhpat khang.

4. Local Church, Department khatni Association taanvdwan guay khou taanc nchamna bam khang katiulou khang.

5. Department khatni Association tuang khutlaic khatni katiangc sw khang.

6. Mission khatni Evangelism taanv hei taancbam khang,


Men Department rui guangnimei ganv khou tatkeynimei taanvdwan:

1. Karana dingnuh khang karamcmei taanvmwng (Self reliance project) (SRP)

2. Longmai Bazaar khou development project kahouh khang

3. Miissionary makuatc khang

4. RNBA phwamling guay khou Men fellowship kasiamhlou khang

 



Education Department


CHRISTIAN EDUCATION DEPARTMENT

Christian Education khatni Literature department hei kwm 1998 rui Association tuang education khatni literature lwan khou kasiamhthau khang kage nai the tuna kahouh tuang the. Education department rui kadai swna galauc nunc tuang ministry swna Sunday school materials khatni VBS materials hei ti mphang loulana bumaengh ningting tidaicthau khang khatni kaniu ta Ravguangc tuang chaenglwan khou tina chaling dinglou khang tamh tuang the. Mi Department rui kahawmei thu phwamling guay ta theological foundation khou hei nchamcna naic khang karamcmei hei the.


Activities:

Sunday school hei phwamling guay khou naimak nuhmakmei nthukmei taanv e tuna ningpui zaeng rui Department rui phwamling azuh khou tatloulan raclou the. Ntau ngamvmei lungc khou Department rui phwamling 60 dou khou Sunday school materials khatni VBS materials hei church 100 khou ti mphanglou the. Mi Sunday school material hei CEEFI supply centre Hyderabad, south India khou rui e. CEEFI hei Christian Education Evangelical Fellowship of India tu tang de. Kumna VBS materials nei VBS ministry khatni supply centre Bangalore, south India khou rui e. RNBA kaniw lev partnership sw guangcmei hei tingkwm tamruh dou huthaeng rui di the. India kapwm khang kaniw rui ti nphangloulana anw kandi khou ngang tiguang tangcloubammei khang ta peyna neihla e.

 



Women Department

Dec. 9th 1955 kwm rui Azuram Baptist Church Women society hei Manipur North West Baptist Association No. 4 (Zeliangrong Baptist Association) bangc khou kasiamhlou the. Kumna 10th Dec. 1976 nungc rui Ronglat samei guay kariuna Rongmei Christian Fellowship (RCF) hei under Zeliangrong Baptist Association bang khou kasiamhlou the. Kumna kwm 1980 khou rui Rongmei Women Society heini kahouhkan the. nkhamhna Rongmei Naga Baptist Association (RNBA) hei May 28th1986 khou kahouh kan tuang e, mi khou tei rui thauna Rongmei Women Union/Department hei atau nganv tatkeyna bam tuang the.


RNBA women department tuang Activities khatni Achievement guay:

1. Printing press project

2. Child Evangelism (Children Education support, Children Bible Class/VBS)

3. Women Bible Class/Study

4. Women Leadership Training

5. Pastor now nunc khang Training timei

6. Maypui nunc ministry (Widows Camp/Seminar)

7. Women Development Seminar

8. Mediation Skill Workshop

9. Women Action on HIV/Aids programme

10. Theological Scholarship support

11. khatni Vocational Training


Future plan of the Department and Upcoming Events:

1. Commercial building khat taanh khang

2. Girls’ hostel khat kasiamh khang

3. Widow Ministry hei tidaic pat khang

4. Children Educational hei tidaicpatna mi tuang ministry ti hei Support sw khang

 



RNBA Pastor Council

RNBA Pastors Council hei nai khang 16th December 1986 nung Rangkhung 1 Baptist Church khou rui dinglou the. The council hei members gaanv 15 khat ni superintending khat rui administration taanv hei zausinna bam khang dinglou the.


RNBA PASTORS COUNCIL TUANG DUTIES KHATNI FUNCTIONS.

            1. Church administration ta zaucsinlou khang

            2. License khatni Ordination tilou khang

            3. Now suanclou khang (Marriage)

            4. Duiluplou khang (Baptism)

            5. Manyat taektu titulou khang (Holy Communion)

            6. Pastor suamlou khang (Pastor Installation)


YOUTH DEPARTMENT

­­­
RNBA lung khou department charuk (6) naimei pangc khou Youth Department heinic naimak nuhmakmei department akhatre. Youth Departnent hei RNBA bangc khou naimei member churches guay tuang local Baptist Youth Fellowship (BYF) lev kariucna taanv swbammei department daihmei akhat re. RNBA Youth Department khou hei taanv swmei khang Secretary (Youth Secretary) twna full time worker khang kapahlouna taanv swbamme. Secretary lev taanv swchamc bam khang honorary officers, President, Vice President khatni executive members gaanv 15 tingkwm 3/3 tuang term khang kapahlouna taanv sw chamc bamme.

Vision:- Chabwan guay ramthaymei  kathumh rui khat swmei Raguang ningting khou ngangvlou na karingbamv lam thaymei, tingvtakmei, nchu nzaenghmei, kaikhunv khang, kakandih khang khatnic kazaattic khang suaihiam swna lung bam kanmei ta e.

Mission:- RNBA Youth Dept. hei Kathumh rui khat swmei Raguang tuang Latkaeng khou ngangv lou na Kabasiam guay kadaiswna chabwan nuncta ningkungc na taanv sw bam mei phwam e. Chabwan swmei guay ta Raguang pamvkhou zayguang lou khang khatnic chummei chaeng khou titat lou khang, lungning pumtan syanv dui kaguay zav mei mak na taanhmei, Chabwan swmei guay ta theithangc chaeng zaychuy mei Raguang ta thaymei leaders gaymei ti cha pat geih khang, simei gaymei lwn tithay pat na gaymei biak khou chabwan guay ta tiding khang  karamh mei hei the.

RNBA YOUTH DEPARTMENT KHOU PRESIDENT KHATNI SECRETARY PHUNGCLOU KANMEI KHATNIC NTAW TAW PHUNGC BAMMEI GUAY ZANC KABANGC KHOU LYANLOU THE:                          



PRESIDENT

S:



     Sl.      Name                                         Village                                    Period/Term

1. Mr. Namsadai Kahmei              Suanram                                 1988-1990                     

2. Mr. Namgaguang Gangmei      Chiulon                                    1991-1992

3. Mr. Shemiah Gonmei               Luangzang                                1993-1994

4. Mr. Keingambui Gangmei        Chiulon                                     1994-2005

5. Mr. Reingampou Riamei           Gahtau                                   2005-2010

6. Mr. Abuan Dangmei                   Longmai-1                             2010-till date

SERCRETARIES:                           


     Sl.  Name                                         Village                                     Period/Term

     1. Rev. Apan Panmei                     Khumji                                         1986-1987

     2. Rev. R. Khanglen                       Azuram                                        1987-1988

     3. Rev. Apan Panmei                     Khumji                                         1988-1993

     2. Rev. Mansi Gangmei                 Konthoujam                                1993-1998

     3. Rev. Ashapou Thaimei             Lubanglong                                1998-2008

     4. Rev. Gaisinglung Kahmei         Ruangdai                                    2008-2011

     5. Rev.  Kagunai Gangmei            Gaidimjang                                   2012- Tildate


RNBA Youth Department tuang taanv dwan tingkwm tingkwm khou tatkeyna bammei asaekc:

  1. Tingkwm pum youth leaders guay khang training laengvloumei.
  2. Kagan kagan thei layna School of Music bw khat tuang laengvmei.
  3. Youth Bible Camp/Class kaganv ganv khou laengvloumei.
  4. Palup talicmei khou Christian chabwan guay tanic katiu thauloumei.
  5. RNBA member churches guay khou tatna lu-lat dincloumei khatnic gaychamv dincloumei.
  6. Local church khou chabwan guayta zayloumei leader gaymei tinailou khang Leadership Seminar/Workshop conduct swloumei.
  7. Tingkwm panguh panguh (5years) tangv Youth Conference laengvloumei.



RNBA YOUTH DAY:

RNBA Youth Day twna tingkwm pum October tuang nkhamvmei Sunday khou RNBA Youth Department rui programme swna RNBA member churches kathuic khou tatkeyna bamme. Minung hei chabwan guay rui lu-lat sasuan akhyammei, Bible pac akhyammei khatnic baihbaimei activities azuh tatkeyna observe  sw bamme. Kumma minung hei phwamling guay rui chabwan guay khang huayney louna offering daicna tiipatlouna tatkey bamme.


Tingkwm panguh panguh (5years) tangh RNBA Youth Department rui organized swna Youth Conference tatkeyloumei guay kabangc khou tilou the:



The 1st Youth Conference, 1987:

Reyliangmei RNBA Youth Conference hei Mr. Apan Panmei rui Youth Secretary swbammei ganv khou laengv patlou kanne. Mituang Conference hei December 8-12,1987 kwm Sangrung Baptist Church khou tatkeylou the. Conference tuang theme rui “Grow Together in Christ” twmei bangc khou tatkeylou the. Mituang Conference khou hei Shri Gaikhangam, Hon’ble Minister rui chief guest swlou the. Kumma Rev. Ramkhun Pamei, Regional Secretary, MBC, Mr. KG. Neilalung, General Secretary, FBC, Mr. KG. Jonathan, Executive Secretary, SBA khatni Miss Aram Pamei, Women Secretary, MBC kaniw rui Conference tuang speaker swlou the. Conference tuang activities rui Drama palupc akhyammei, lu-lat sasuan akhyammei azuh tatkeylou kanne. Mituang conference khou tei mansei delegte swna gaanv 1000 dou guanglou e.



The 2nd Youth Conference, 1993:

Rev. Apan Panmei rui Youth Secretary swbammei ganv khou kaneymei Youth Conference hei laengvpatlou kan tuang e. Mituang conference hei February 11-14, 1993 kwm RNBA Complex, Tamenglong Hq. khou tatkeylou the. Conference tuang theme rui “We are Witnesses for Christ” twmei bangc khou tatkeylou the. Heipui conference khou hei Shri Gaikhangam, Hon’ble Minister(Forest), Shri Daisin Pamei, Hon;ble MLA kaney rui chief guest khatni guest of honor swlou the. Rev. Vanlal Ngaka, Evangelist, Shillong rui Conference tuang speaker swlou the. Conference tuang activities hei lu-lat sasuan akhyammei, Bible pac akhyammei khatni baihbaihmei azuh tatkeylou kanne. Mituang conference khou hei mansei delegate swna gaanv 3000 dou guanglou kanne.



The 3rd Youth Conference, 1998:

Luan kathwm tanghmei Youth Conference hei Mr. Mansi Gangmei rui Youth Secretary swbammei ganv khou laengvpatlou kanne. Mituang conference hei February 21-24, 1998 kwm RNBA Complex, Tamenglong Hq. khou tatkeylou the. Mituang conference tuang theme rui “Fight the Good the Fight” twmei theme bangc khou tatkeylou the. Rev. S.K. Hokey, General Secretary, MBC rui chief guest swlou the. Rev. Kabi Gangmei, Executive Director, NEICORD, Shillong, Rev. S. Susanta Patra, Director, Natioanal Fellowship, Calcutta khatni Rev. K.C. Gaila, Student Chaplain, Shillong kaniw rui conference tuang speaker swlou the. Mituang conference khou chabwan guay khang activities, lu-lat sasuan akhyammei, Bible pac akhyammei khatni chabwan guay rui katuang (2) talent phungc patna tatkeylou kanne. Mansei delegate swna gaanv  5000 dou mituang conference khou hei guangna kazauhlou kanne.



The 4th Youth Conference, 2003:

Mituang Conference hei Rev. Ashapou Thaimei rui Youth Secretary swbammei ganv khou laengv patlou kan tuang e. Kaganv rui February 6-9, 2003 kwm Longmai-3 Baptist Church, Noney khou tatkeylou kanne. Conference tuang theme rui “Stir Up the Gift of God” twmei bangc khou tatkeylou the. Mituang conference khou hei Rev. D.H. Zeme, General Secretary, ZBCC rui chief guest swna conference hei laancpatlou the kumma Rev. Meizaolung Gonmei, Executive Secretary, RBA(N) rui conference closing ceremony taanv taanclou the. Rev. Arthur Hope, Associate Director for Mission, Hindustan Bible Institute, Chennai rui speaker swlou the. Kumma worshop tuang resource persons rui Rev. Kabi Gangmei, Director, SoFMEDA, Shillong, Rev. K.C. Gaila Student Chaplain, Shillong CBCNEI khatni Ms. Aram Pamei, Seceretary, Baptist Women Fellowship North-East India kaniw rui swlou the. Conference tuang activities rui lu-lat sasuan akhyammei, katuang (2) talent chabwan guay rui phungc akhyamna tatkeylou kanne. Mituang conference khou hei delegate mansei swna gaanv 8000 dou guanglou e.



The 5th Youth Conference, 2008:

5th Youth Conference hei Rev. Ashapou Thaimei rui Youth Secretary swbammei ganv khou laengv patlou kan tuang e. Mihei January 12-15, 2008 kwm Gaidimzang Baptist Church khou Khoupum area tuang Churches guay rui kaibangcpouc swlouna tatkeylou kanne. Theme rui “Be in Christ” twmei bangc khou tatkeylou the. Mr. Abel Panmei lev Mr. Silas Gonmei kaney rui conference tuang Chairman khatni Secretary swlou kanne. Rev. TP. Mordecai, Executive Secretary, RNBA rui conference tuang flag zaythaulouna panguh tanghmei conference hei laancpatlou the. Rev. Dr. J.M. Ngul khan pau, General Secretary, CBCNEI rui speaker swlou the kumma Rev. Kabi Gangmei, Co-ordinator for Relief Development, Asian Pacific Baptist Federation khatni Mr. Dichamang Pamei, MCS(Retd) kaney rui workshop tuang facilitators swlou the. Conference tuang activities rui Choir Song Competition, Choreography, Conference night khatni exhibition cum sales heikummei activities guay hei tatkeylou kanne. Mituang Conference khou hei mansei delegate swna gaanv 10,0000 dou guanglou kanne.



The 6th Youth Conference 2013:

Charuk (6th) tanghmei Youth Conference hei Rev. Kagunai Gangmei rui Youth Secretary suna bam mei ganv khou laengpatlou  kan e. Mi Conference hei Town Baptist Church Tamenglong rui Kaibang swlou na laengpat lou kan

 e. Conference tuang theme rui “ LIVING OUR FAITH” twmei theme bangc khou laeng patlou kan e. 6th tanghmei Conference tuang Chairman rui Pou. Nehemiah  Panmei, Town B/Ch, Conference Secretary rui Pou. Gongcham Panmei Tamenglong Baptist Church khatni Conference Co ordinator rui Rev. Kagunai Gangmei Gaidimjang Baptist Church kaniu guay e.  6th Tanghmei Conference ngai tuang chuangphei hei, Rev Mathotmi Vasha. Youth Secretary MBC. rui zaithao lou na, Rev.Dr. Ramesh Richard, President RREACH, Dallas USA khat ni Rev. P. Bonny Resu, General Secretary APBF, kanei rui speakers sulou na tatkey lou kan  e.



Secretary’s Quarter:

Youth Secretary tuang quarter Pucca Building khat ground floor langv luailou na first floor taancthao dat khang sw bam e.



 Project:

  1. Self-Reliance Project swna RNBA Compound lungc khou Youth Hall cum commercial Building khat taanc thau khang plan sin kahauh thaona bamme.

RNBA Youth Department hei tingkwm tingkwm khou mbu kuna bammei khatni taanv dwan guay nthuihna tatkey bammei hei Ravguangc rui nkhav loumei pan rui e kumma local phwamling guay rui machuang chuyna machuanglou puipan rui e. “Chabwan guay hei lungguang datnimei tiangdaic e” twna sa bam mei khou hei, kandimei guay rui thaylou na chabwan phuam ta kazang titanc lou bam khang nai e.